Skiweekend Arosa Aktiv-& Damenriege 31.1.-2.2.20

Am 31.1.2020 hed sich d Aktiv- und d Damerigi  am 14.00 mit viel Proviant und Jasscharte ufe Wäg richtig Arosa gmacht.

Mir si mit em Car uf Chur gfahre und hei död es Zügli gno uf Arosa.

Mir hei echli länger brucht do dr Chauffeur sich verfahre hed…

Do mir aber s erschdä Zügli verpasst hei z Chur, si eh Teil ein go schnappe und dr ander Teil hed emol e Apero am Bahnhof gno.

S Zügli isch ih gfahre und plötzlich het e Teil e chli e stress gha …zum Glück heimrs doch no alli rächtzitig gschafft und si denne uf Arosa gfahre.

Död hei scho 3 Taxis uf eus gwardet und eus ind Mountain Lodge gfüehrt.

In dr Unterkunft acho heimr eus alli versammlet und s Gepäck sortiert, död heimr gemerkt dass alwe de Sack mit dene Chinderschueh nid vo eus isch und z Arosa unde hätt sedde blibe …

Mir sie nachem Ihrichte in Usgang und hei am 12:00 Zobe in Sven si Geburri überägfieret.

Am Samschdig dr 1.2.20 isch Bombä Wätter gsi und mir si so früe wie möglich ufd Pischdä.

Mir hei eus in es Paar Gruppe ufteilt und hei de Tag gnosse.

Nach dem alli gnue gha hei vom Fahre sie mir ind Kuehbar.

Död hed dr Bär gsteppt….Bis am 20:00 Uhr…, denn hei mir eus in dr ganze Gruppe mit de Ski ufe heiweg gmacht.

Mir sie alli relativ gued acho im Dorf, leider am falsche Eggä.

Nach langem Heimarsch sie e Teil den doch no  go Znacht ässä.

E teil motiviert und e Teil weniger, simmer denn doch fascht alli nomol in Apreski.

Am Sunndig morge heds überhaupt kei Sunne me gha und drum simmer au nur churz gfahre. Bis mr wieder grossi Luscht uf Fröschli becho hei.

Womer denne gmüetlich ghockt si und s au no die letschdä nomol uf d Pischte gschafft hei, heds gruusig afo schneie und mir hei grad no e Rundi me bstellt.

Leider heimr eus wieder einisch müesse ufe Heiwäg mache und sie zrugg ind Lodge.

Do im Salome ufgfalle isch, dass grad e Zug würdi fahre hei eus wieder die tolle Taxifahrer abghold und in Rekordgschwindigkeit probiert ufe Bahnhof z due.

Natürlich heimr das nid fertig brocht und sie denne ufe negschde Zug.

In Chur acho isch euse super Chauffeur scho barat gstande und hed euses Züg iglade.

Mir hei aber nid chöne abfahre do dr Oli no umbedingd hed müesse e Tube vo ….

Er heds denne ufgeh und mir hei eus ohni Umweg ufe Heiwäg richtig Ammel gmacht.

Mir sie gued z Ammel acho und sie fro gsi, dass mr hei chöne hei go pfuuse.

Danke Viel mol Salome und Corinne fürs Organisiere, s hed alles super klappet und sisch es super tolls Weekend gsi.

Bericht: Adriana