Plauschwettkampftag Anwil am 15. Juni 2019

Am Samschtig, 15. Juni hei ca. 75 Chinder am Plauschwettkampftag teilgnoh. D Ammeler Chinder hei zämä mit de Oltinger und Rotheflueher Chinder vil Spass gha. Es het Diszipline Huefiisewerfe, Büchseschiesse, Torwandschiesse, Wassertransport, Ballzielwurf ins Fass, Sackhüpfe, Hindernislauf und zum Schluss e Glacelauf geh. Alli hei an dr Rangverkündigung e Turnsack gsponseret vo dr BLKB und es Fläschli Rivella und e Spritzpistole, gsponseret vo Rivella, übercho. Es hei sich alli chönne in dr Wirtschaft mit Würst und Brot oder Hotdog, zTrinke und Chueche verpfläge. Härzliche Dank an alli Teilnehmerinne und Teilnehmer, an alli wo dört gsi si und an d Helferinne und Helfer! Es isch e tolle Alass gsi.

Fotos: Igor Steiner