Mir fiire 50 Joohr!
Zu dem Jubiläum organisierä mir ä Jubiläumstag für Alli vo chlii bis gross.
Am Samstig 12. August ab 11:00Uhr dörfed dir sehr gärn ufe Sportplatz ueh choo.
Bis öppe am 15:00Uhr chönned dir Pöschtä bsuechä wo vo jederä Riegi vo eus ahbote wärde.
Bi denä Pöschte handlets sich um Spiel und Spass aber hauptsächlich söll dr Spass im Vordergrund stooh.
Aschliessend dörfe alli Kinder gegenand zur schnällschte Ammelerin zum schnällschte Ammeler im Sprint ahträtte. Do chame sich ufem Platz direkt ahmelde.
Am ca. 16:00Uhr starte mir denn mit em legendäre Gruppe-Plauschwettkampf. Do drfür müesset dir euch scho vorher mittels bilegendem Formular ahmelde, alli wittere Infos zu dem Wettkampf stönde au dört druff.
Au do gohts vollumfänglich ume Spass und das möglichscht vieli mitmachä.
Dir chönned euch durreh ganz Tag in euserä Wirtschaft verpfläge und im Aschluss an de Gruppe-Plauschwettkampf gits den zum Znacht e Pastaplausch.
Dr Fraueverein isch au uf Platz und bietet eus allne feine Kueche und Kaffi ah.
Mir freue eus jetzt scho uf euch Alli.
Jubiläums-OK
